Heimsóknir

Þá er komið að annari heimsóknahrinu vetrarins. Gróa systir hennar Þórunnar kemur til okkar á föstudaginn og verður fram á sunnudag. Hún býr í Freiburg og er þar í fiðlunámi hún á afmæli á fös svo við gerum nú örugglega e-ð skemmtilegt þá. Svo er Orri að koma til mín á mánudaginn!!! Get ekki beðið, það er nú ekkert sérlega gaman að búa svona í sitthvoru landinu. Hann verður hérna alveg fram á föstudag svo við náum nú örugglega að hafa það notalegt og gera e-ð skemmtó. Það verður allavegana hægt að elda e-ð gott því við erum loksins búnar að fá almennilega eldavél og ofn, vorum bara með lítið helluborð með tvemur hellum. Það var alveg geggjað að geta loksins eldað í ofni og Þórunn bjó til alveg æðislegt lasagna í gær og í kvöld ætla ég að baka pizzu.
Annars er hitabygljan búin og það er búin að vera rigning og frekar kalt síðustu daga. Ég fór í fyrsta söngtímann á mánudaginn og það gekk svona alltílæ, ég er ekki í mjög góðu formi en vonandi næ ég að koma mér af stað áður en ég kem heim. Hún er held ég ágætis kennari hún Regína, gaf reyndar ekkert mjög mikið af sér svona í fyrsta skiptið en það breytist nú örugglega þegar maður kynnist henni aðeins. Ég er ekki ennþá búin að setja mig í smband við þessa bandarísku en það er alveg á dagskránni.

Það styttist líka óðfluga í heimkomu, ótrúlegt hvað tíminn líður hratt, ég kem heim eftir 3 vikur! Ég hugsa nú samt að ég fari aftur út í janúar og klári þúskunámskeiðið sen klárast í lok janúar. Eftir það er allt óráðið. Ég fékk póst frá Icelandair um daginn þar sem ég var spurð hvenær ég gæti mögulega byrjað aftur og ég sagði byrjun feb, en í þessum bransa er svo mikil óvissa og ekkert víst að þeir þurfi á mér að halda fyrr en í byrjun sumars. Þetta kemur bara allt saman í ljós.